நேபாளத்தில் ஏற்பட்டுள்ள பெரு வெள்ளம் மற்றும் நிலச்சரிவில் சிக்கி உயிரிழந்தவர்களின் எண்ணிக்கை 160 ஆக உயர்ந்துள்ளது. தொடர்ந்து மீட்பு மற்றும் நிவாரணப் பணிகள் தீவிரமாக நடைபெற்று வருகின்றன.
இந்தியாவில் இருந்து ஆன்மிகச் சுற்றுலா சென்ற 133 பேர் உள்பட 750-க்கும் மேற்பட்டோர் காணாமல் போயுள்ளனர்.
அவர்களில் தமிழகத்தைச் சேர்ந்த 57 பேரையும் பாதுகாப்பாக அழைத்துவர அவர்களது குடும்பத்தினர், உறவினர்கள், நண்பர்கள் கோரிக்கை விடுத்துள்ளனர்.
கனமழையால் பல்வேறு பகுதிகளில் வெள்ளப்பெருக்கு ஏற்பட்டுள்ளதுடன், சாலைகள் மற்றும் பாலங்கள் சேதமடைந்துள்ளன. இதனால் பல இடங்களில் போக்குவரத்து பாதிக்கப்பட்டுள்ளது.
வெள்ளம் பாதித்த பகுதிகளில் சிக்கியுள்ளவர்களை மீட்கும் பணியில் மீட்புக் குழுவினர் ஈடுபட்டு வருகின்றனர். மேலும் பலர் மாயமாகியுள்ளதால், உயிரிழப்பு எண்ணிக்கை மேலும் அதிகரிக்கக்கூடும் என்ற அச்சம் ஏற்பட்டுள்ளது.
பாதிக்கப்பட்ட மக்களுக்கு தேவையான உணவு, குடிநீர் மற்றும் மருத்துவ உதவிகளை வழங்கும் பணிகளும் தொடர்ந்து நடைபெற்று வருகின்றன.
