தெற்கு அந்தமான் கடல் பகுதியில் உருவாகியுள்ள காற்றழுத்த தாழ்வுப் பகுதி, நாளை (அக்டோபர் 31) காற்றழுத்த தாழ்வு மண்டலமாக வலுப்பெற வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.
இந்த காற்றழுத்த தாழ்வுப் பகுதி மேற்கு – வடமேற்கு திசையில் நகர்ந்து வலுப்பெறக்கூடும். தொடர்ந்து ஆந்திரப் பிரதேச கடற்கரையை நோக்கி நகர வாய்ப்புள்ளதாகவும் கணிக்கப்பட்டுள்ளது.
இதன் காரணமாக நவம்பர் 1-ம் தேதி முதல் தமிழகத்தில் பரவலாக மழை பெய்ய வாய்ப்புள்ளது. சில மாவட்டங்களில் கனமழைக்கும் வாய்ப்புள்ளதாக வானிலை ஆய்வு மையம் முன்னறிவித்துள்ளது.
மேலும், அந்தமான் மற்றும் வங்கக்கடல் பகுதிகளில் பலத்த காற்று வீசக்கூடும் என்பதால் மீனவர்கள் கடலுக்குச் செல்லும்போது வானிலை எச்சரிக்கைகளைக் கவனிக்குமாறு அறிவுறுத்தப்பட்டுள்ளனர்.
