தமிழகத்தில் மதுராந்தகம் மற்றும் தாராபுரம் ஆகிய 2 சட்டப்பேரவைத் தொகுதிகளுக்கு வரும் அக்டோபர் 6-ஆம் தேதி இடைத்தேர்தல் நடைபெற உள்ளது. இதனை அடுத்து, அதிமுக சார்பில் போட்டியிட விரும்புவோருக்கான விருப்ப மனு விநியோகம் இன்று (செப்டம்பர் 8, 2026) முதல் தொடங்கியுள்ளது.
இடைத்தேர்தலில் அதிமுக சார்பில் போட்டியிட இன்று முதல் செப். 10 ஆம் தேதி வரை விருப்ப மனு விநியோகம் செய்யப்படும் என்றும் தேர்தலில் போட்டியிட விரும்புவோர் விருப்ப மனு அளிக்கலாம் என்றும் கட்சியின் பொதுச் செயலாளர் எடப்பாடி பழனிசாமி அறிவிப்பு வெளியிட்டுள்ளார்.
காலை 10 மணி முதல் மாலை 6 மணி வரை தலைமை அலுவலகத்தில் விருப்ப மனு பெறலாம், செப். 10 மாலை 6 மணிக்குள் மனுவை பூர்த்தி செய்து வழங்க வேண்டும் என்று கூறப்பட்டுள்ளது.
