5 தொகுதிகளில் நடைபெறவுள்ள இடைத்தேர்தல் தொடர்பான வழக்கில், தேர்தல் நடவடிக்கைகளுக்கு விதிக்கப்பட்டிருந்த தடை மேலும் நீட்டிக்கப்பட்டுள்ளது.
கடந்த சட்டமன்ற தேர்தலில், இரு தொகுதிகளில் போட்டியிட்ட முதல்வர் விஜய், திருச்சி கிழக்கு தொகுதியை ராஜினாமா செய்தார். அதேபோல, கரூர் தொகுதி எம்.எல்.ஏ. – எம்.ஆர்.விஜயபாஸ்கர், விராலிமலை தொகுதி எம்.எல்.ஏ. – சி.விஜயபாஸ்கர், பெருந்துறை எம்.எல்.ஏ. ஜெயக்குமார், அம்பாசமுத்திரம் எம்.எல்.ஏ. இசக்கி சுப்பையா ஆகியோர் ராஜினாமா செய்தனர்.
இவர்களின் வெற்றியை எதிர்த்த தேர்தல் வழக்குகள் நிலுவையில் உள்ளதால், இந்த தொகுதிகளுக்கு இடைத்தேர்தல் அறிவிக்க தடை விதிக்கக் கோரி திருநெல்வேலி மாவட்டம், பாளையங்கோட்டையைச் சேர்ந்த வெங்கடாஜலபதி, சென்னை உயர்நீதிமன்றத்தில் பொது நல வழக்கு தாக்கல் செய்திருந்தார்.
இந்த வழக்கு தொடர்பாக நீதிமன்றத்தில் நடைபெற்ற விசாரணையின்போது, இடைத்தேர்தல் தொடர்பான விவகாரங்களை இறுதி கட்டமாக விசாரிக்க முடிவு செய்யப்பட்டுள்ளது. இதையடுத்து, வரும் செப்டம்பர் 28-ம் தேதி இறுதி விசாரணை நடைபெறும் என அறிவிக்கப்பட்டுள்ளது.
இதனால், 5 தொகுதிகளுக்கான இடைத்தேர்தல் தொடர்பான அடுத்தகட்ட நடவடிக்கைகள் செப்டம்பர் 28-ம் தேதி நடைபெறும் விசாரணையின் முடிவைப் பொறுத்தே அமையும் என எதிர்பார்க்கப்படுகிறது.
