பழனி நில மோசடி வழக்கில் கைதான வழக்கறிஞர் அன்வர்தீன், மதுரை மத்திய சிறையில் நெஞ்சுவலி காரணமாக உயிரிழந்தார்.
பழனி முருகன் கோயில் நில முறைகேடு வழக்கில் 3 பேரின் ஜாமீன் மனுக்கள் தள்ளுபடி செய்யப்பட்டுள்ள நிலையில், வழக்கில் கைதாகி சிறையில் இருந்தவர் உயிரிழந்தது அதிர்ச்சியை ஏற்படுத்தியுள்ளது.
பழனி தண்டாயுதபாணி கோயில் மடத்திற்குச் சொந்தமான 100 கோடி ரூபாய் மதிப்பிலான நிலத்தை முறைகேடாகத் தனிநபர் பெயரில் 2 கோடி ரூபாய்க்கு பத்திரப்பதிவு செய்த வழக்கைச் சிபிசிஐடி அதிகாரிகள் விசாரித்து வருகின்றனர்.
இந்நிலையில், பழனி கோவிலுக்கு சொந்தமான ரூ.100 கோடி மதிப்பிலான நில மோசடி வழக்கில் கைதான வழக்கறிஞர் அன்வர்தீன் சிறையில் உயிரிழந்துள்ளார்.
நில மோசடி வழக்கில் கைது செய்யப்பட்டு மதுரை மத்திய சிறையில் நீதிமன்றக்காவலில் அடைக்கப்பட்டிருந்த அன்வர்தீன் உயிரிழந்துள்ளார்.
சர்க்கரை நோய், பக்கவாதத்தால் பாதிக்கப்பட்டிருந்த வழக்கறிஞர் அன்வர்தீனுக்கு சிறையில் உடல்நலக்குறைவு ஏற்பட்டு உயிரிழந்துள்ளார் என்றும் இதுகுறத்து விசாரித்து வருவதாகவும் காவல்துறையினர் தெரிவித்துள்ளனர்.
