ஜப்பானின் அய்ச்சி–நகோயாவில் நடைபெற்று வரும் 2026 ஆசிய விளையாட்டுப் போட்டியில், தடகளத்தின் 4×400 மீட்டர் கலப்பு தொடர் ஓட்டத்தில் இந்திய அணி வெள்ளிப் பதக்கம் வென்று அசத்தியுள்ளது.
இந்திய அணியில் பூவம்மா ராஜூ, விஷால் தென்னரசு, வித்யா ராம்ராஜ், டி.எஸ். மனு ஆகியோர் இடம்பெற்றனர். இந்திய அணி பந்தய தூரத்தை 3 நிமிடம் 14.46 விநாடிகளில் கடந்து இரண்டாவது இடத்தைப் பிடித்தது.
பஹ்ரைன் அணி 3:12.87 நேரத்தில் இலக்கை எட்டி தங்கப் பதக்கத்தை வென்றது. வியட்நாம் 3:14.54 நேரத்துடன் வெண்கலப் பதக்கம் பெற்றது. கடைசி கட்டத்தில் சிறப்பாக ஓடிய தமிழக வீராங்கனை வித்யா ராம்ராஜ், இந்திய அணியை இரண்டாவது இடத்துக்கு முன்னேற்றுவதில் முக்கிய பங்காற்றினார்.
குறிப்பாக, வெள்ளி வென்ற இந்திய அணியில் விஷால் தென்னரசு மற்றும் வித்யா ராம்ராஜ் ஆகிய இரு தமிழக வீரர்கள் இடம்பெற்றுள்ளனர்.
