புதுடெல்லி: பிரதம மந்திரி கிசான் சம்மான் நிதி (PM-KISAN) திட்டத்தின் 24-வது தவணைத் தொகையை பிரதமர் நரேந்திர மோடி நாளை (அக்டோபர் 30) விடுவிக்கிறார். குஜராத் மாநிலம் பனஸ்கந்தா மாவட்டம் பில்டியில் நடைபெறும் நிகழ்ச்சியில் இந்த நிதி உதவி வழங்கப்பட உள்ளது.
9.34 கோடி விவசாயிகளுக்குப் பயன்
இந்தத் தவணையின் மூலம் நாடு முழுவதும் 9.34 கோடிக்கும் அதிகமான விவசாயக் குடும்பங்களுக்கு ரூ.18,680 கோடிக்கும் அதிகமான நிதி நேரடியாக வங்கிக் கணக்குகளில் செலுத்தப்பட உள்ளது. இத்திட்டத்தின் கீழ் தகுதியுள்ள விவசாயிகளுக்கு ஆண்டுக்கு ரூ.6,000, தலா ரூ.2,000 வீதம் மூன்று தவணைகளாக வழங்கப்படுகிறது.
விவசாயிகள் கவனத்திற்கு
- உங்கள் பிஎம் கிசான் பயனாளர் நிலையைச் சரிபார்க்கவும்.
- ஆதார் விவரங்கள் மற்றும் வங்கிக் கணக்கு இணைப்பு சரியாக உள்ளதா என உறுதிப்படுத்தவும்.
- இ-கேஒய்சி (e-KYC) கட்டாயம் முடிக்கப்பட்டிருக்க வேண்டும்.
