ஓணம் பண்டிகையை முன்னிட்டு சென்னை உள்ளிட்ட தமிழகத்தின் பல்வேறு பகுதிகளில் இருந்து கேரளாவுக்கு செல்லும் பயணிகளின் எண்ணிக்கை அதிகரித்துள்ளது. இதனால், சென்னை முதல் கேரளாவின் முக்கிய நகரங்களுக்கு இயக்கப்படும் விமானங்களுக்கான கட்டணம் வழக்கத்தை விட பல மடங்கு உயர்ந்துள்ளதாக கூறப்படுகிறது.
குறிப்பாக ஓணம் பண்டிகை நாட்களை ஒட்டிய பயணங்களுக்கு விமான டிக்கெட் கட்டணம் கணிசமாக அதிகரித்துள்ளதால், கேரளா செல்ல திட்டமிட்டிருந்த பயணிகள் அதிர்ச்சி அடைந்துள்ளனர்.
விடுமுறை காலத்தில் விமான சேவைக்கான தேவை அதிகரித்துள்ளதே கட்டண உயர்வுக்கு முக்கிய காரணமாக பார்க்கப்படுகிறது. இதனால், குறைந்த கட்டணத்தில் பயணம் செய்ய விரும்பும் பயணிகள் முன்கூட்டியே டிக்கெட் முன்பதிவு செய்ய வேண்டிய நிலை ஏற்பட்டுள்ளது.
