ஆவின் பால் கொள்முதல் விலை லிட்டருக்கு ரூ.6 உயர்த்தப்பட்டதைத் தொடர்ந்து, தனியார் பால் நிறுவனங்களும் கொள்முதல் விலையை உயர்த்தியுள்ளன. இதன் காரணமாக டோட்லா, ஹெரிடேஜ், திருமலா, சீனிவாசா உள்ளிட்ட நிறுவனங்கள் நாளை (சனிக்கிழமை) முதல் பால் விற்பனை விலையை லிட்டருக்கு ரூ.4 வரை உயர்த்துகின்றன.
ஏற்கனவே ஆரோக்கியா நிறுவனம் கடந்த 21-ஆம் தேதி பால் விலையை லிட்டருக்கு ரூ.4 வரையும், தயிர் விலையை கிலோவுக்கு ரூ.2 வரையும் உயர்த்தியிருந்தது.
தனியார் மற்றும் ஆவின் பால் விலைகளுக்கு இடையேயான வித்தியாசம் அதிகரித்துள்ளதால், ஆவின் பாலுக்கான தேவை மேலும் அதிகரித்து தட்டுப்பாடு ஏற்பட வாய்ப்புள்ளதாக கூறப்படுகிறது.
