விஜய் ஆண்டனியின் ‘அப்பா குட்டி’ அக்டோபர் 16-ல் திரைக்கு வருகிறது
மு. மாறன் இயக்கத்தில் விஜய் ஆண்டனி நடிப்பில் உருவாகியுள்ள ஆக்ஷன் கலந்த குடும்பத் திரைப்படமான ‘அப்பா குட்டி’, அக்டோபர் 16-ம் தேதி உலகம் முழுவதும் திரையரங்குகளில் வெளியாகிறது.
அப்பா–மகள் இடையிலான ஆழமான பாசத்தையும், அவர்களுக்குள் இருக்கும் வலுவான உறவையும் மையமாகக் கொண்டு இப்படத்தின் கதை உருவாகியுள்ளது. குடும்ப உணர்வுகள், பாசம் மற்றும் ஆக்ஷன் காட்சிகள் கலந்து அனைத்து தரப்பினரும் ரசிக்கும் வகையில் படம் உருவாகியுள்ளது.
விஜய் ஆண்டனி உணர்வுப்பூர்வமான கதாபாத்திரத்திலும், ஆக்ஷன் காட்சிகளிலும் நடித்துள்ளார். ஏற்கனவே வெளியான படத்தின் இரண்டாவது தோற்ற போஸ்டரில் விஜய் ஆண்டனியுடன் ஒரு சிறுமி இடம்பெற்றிருந்தது. இந்த போஸ்டர் அப்பா–மகள் உறவை வெளிப்படுத்தும் வகையில் அமைந்திருந்தது.
படத்தின் போஸ்ட் புரொடக்ஷன் பணிகள் நிறைவடைந்துள்ள நிலையில், அக்டோபர் 16-ம் தேதி வெளியீட்டை முன்னிட்டு படக்குழு விரைவில் தீவிர புரமோஷன் பணிகளை தொடங்க உள்ளது.
ப்ரீத்தி அஸ்ராணி, பேபி லித்தன்யா, பகவதி பெருமாள் (பக்ஸ்), ஹரிப்ரியா இசை, அருவி மதன், சித்ரா லட்சுமணன், ஸ்ரீஜா ரவி, வேட்டை முத்துக்குமார், ஜென்சன் திவாகர், முருகானந்தம், மூணாறு ரமேஷ், லிஸ்ஸி ஆண்டனி, குமார் நடராஜன், விஜயன், பிரவீனா, ஹரிதா, ஹரிப்ரியா உள்ளிட்ட பலர் முக்கிய கதாபாத்திரங்களில் நடித்துள்ளனர்.
